یانه‌ی خانزاد خۆی بۆ پاڵه‌وانێتی لاوان و تازه‌پێگه‌یشتوانی عێراق ئاماده‌ ده‌كات

به‌سه‌رپه‌رشتی د.دلزار حه‌مه‌ساڵح سه‌رۆكی یانه‌ی شه‌تره‌نجی خانزاد و به‌ ئاماده‌بوونی بەرێز م. على عبدالله سه‌رۆكی یه‌كێتی شه‌تره‌نجی كوردستان و سه‌رۆكی فه‌خری و سكرتێر و ئه‌ندامان و یاریزان و ژماره‌یه‌ك له‌ شاره‌زای بواری شه‌تره‌نج، كۆبوونه‌وه‌یه‌ك له‌ هۆڵی یانه‌كه‌ به‌ڕێوه‌چوو.

ته‌وه‌ری سه‌ره‌كی كۆبوونه‌وه‌كه‌ تایبه‌ت بوو به‌ خۆئاماده‌كردن و به‌شداریكردن له‌ پاڵه‌وانێتی عێراق بۆ لاوان و تازه‌پێگویشتوان كه‌ بڕیاره‌ هه‌فته‌ی داهاتوو له‌ شاری مووسڵ به‌ڕێوه‌بچێت.

له‌و كۆبوونه‌وه‌یه‌دا گفتوگۆیه‌كی تێروته‌سه‌ل له‌مباره‌وه‌ كراو هه‌ریه‌كه‌و تێبینی و سه‌رنجی خۆی له‌باره‌ی به‌شداریكردن له‌و پاڵه‌وانێتییه‌دا ده‌ربڕی و دواجار هه‌مووان گه‌یشتنه‌ ئه‌وه‌ی كه‌ به‌شداری له‌م پاڵه‌وانیتییه‌دا بكه‌ن و رێكاری پێویست و گونجاویش له‌باره‌ی ئاماده‌كاری بگیرێته‌به‌ر.