25.02.2019
به‌ره‌به‌یانى ئه‌مرِۆ رۆژى دووشه‌ممه رێكه‌وتى 25-2-2019 شاندى یانه‌ى شه‌ترِه‌نجى خانزاد پاڵه‌وانى خولى یانه نایابه‌كانى عێراق به مه‌به‌ســتى به‌شدارى كردن له خولى یانه‌كانى عه‌ره‌ب بۆ شه‌تره‌ِنج به‌ره‌و تونس به‌رِێكه‌وت.
له رِێورِه‌سـمى به‌رِێكردنى شانده‌كه د. دڵزار حه‌مه ساڵح سه‌رۆكى یانه‌ی شه‌تره‌نجی خانزاد رایگه‌یاند كه به‌شدارى كردنى یانه‌كه‌مان له خولێكى له‌م شێوه‌یه‌ى وولاَتانى عه‌ره‌بى خۆى له خۆیدا ده‌ستكه‌وتێكى گرنگه و به‌رهه‌مى چه‌ندین ساڵه‌ى ماندووبوونى یانه‌كه‌مانه بۆ گه‌یشتن به‌م ئاسته و تيپه‌كه‌شـمان به باشى خۆى ئاماده كردووه و چاوه‌رِوانى ئه‌وه‌یان لێده‌كرێت كه به ئه‌نجامێكى باشه‌وه بگه‌رِێنه‌وه كوردستان
شانده‌كه پێكهاتوون له: أسعد اسماعیل سه‌رۆكى شاند، د. ئومێدو عبدالعزیز أسود ئه‌ندامانى كارگێرِی. یاریزانه‌كانیش پێكهاتوون له نوح علی حسین، دیدار محمد زاهیر، چیا مدیر، دانا جمال و زۆزك سه‌لاح و سامح مصرى
راپۆڕتی ڤیدیۆیی کەناڵەکانی ئاسمانی لەسەر بەشداریکردنی یانەی خانزاد لە پاڵەوانێتی یانەکانی عەرەبی 2019 لە وڵاتی تونس